وامنتك امانه بلاش ||| مانساش وانت ما تنساش ||| .. ||| ونعيش ويا ناس تانيين |||

بسم الله الرحمن الرحيم

شوفت ناس كتير عجبتها اغنية احمد علاء
"خايف"
من وجهة نظر رومانسيه لما الكلام يبقى بيقول

يا حبيبي توعدني
وامنتك امانه بلاش .. مانساش وانت ما تنساش
ولا اتغير وتتغير والدنيا ما تبعدناش

يبقى منتهى الحب والاخلاص

بس من وجهة نظر تانيه شوفتها انا بيها
هنا

يا حبيبي توعدني
لو نبعد سنين وسنين .. ونعيش ويا ناس تانيين
مافيش حاجه في يوم تقدر تنسيك كان حبيبك مين

يبقى منتهى الانانيه

تفتكروا لما تبقى فيه قصة حب جميله اوي وحب جميل
وينتهي بالفراق
فيه وعد يفضل يربط اتنين حتى بعد الفراق ولما يعيشوا مع ناس تانيه
يفضلوا فاكرين بعض وما ينسوش حبهم؟؟

لو تخيلنا نفسنا الطرف الاول او التاني
هنلاقيها رومانسيه وكلها وفاء

بس لو تخيلنا نفسنا الطرف التالت او الرابع
اللي هما ناس تانيين
ونبقى عايشيين مع ناس بتفكر لسه في حبها القديم
ولسه عايشه في الماضي هتبقى جحيم ..

وحتى الطرف الاول والتاني هيفضلوا متعذبين
بالوعد ده والحب اللي هيبقى لسه جواهم
هيفضلوا يقارنوا ويتعبوا ويألموا ويتألموا ..

لو كل قصة حب انتهت وفضلت فيها الذكريات الجميله
مجرد ذكرى
عشان نقدر نبدأ من تاني نعيش ونسعد الناس التانيين
متهيألي حل منصف
غير انك تفضل مرتبط بالماضي وعايش فيه طول حياتك ..

حابب اعرف رأيكوا برده ..

ارجو التثبيت

انت عندك حق في الكلام ده بس صعب لما تعيش اجمل قصه حب في حياتك وتنساها بسهوله كده صدقني صعب حتي لو عشت مع ناس تانين برضه هتبقي فاكر الحب ده علي الاقل ممكن متلاقيش السعاده اللي كنت عايشها مع الحبيب الاولاني صدقني هتبقي صعبه جدا عليك وهتفكر في الماضي وهترجع تندم علي اللي فات من عمرك كله بس هنعمل ايه هيه دي الحياه والزمن متقدرش تغير فيهم اي حاج ه

شكرا ليك علي الموضوع الجميل ده وتقبلوا تحياتي للجميع

اصعب حب كتب:: انت عندك حق في الكلام ده بس صعب لما تعيش اجمل قصه حب في حياتك وتنساها بسهوله كده صدقني صعب حتي لو عشت مع ناس تانين برضه هتبقي فاكر الحب ده علي الاقل ممكن متلاقيش السعاده اللي كنت عايشها مع الحبيب الاولاني صدقني هتبقي صعبه جدا عليك وهتفكر في الماضي وهترجع تندم علي اللي فات من عمرك كله بس هنعمل ايه هيه دي الحياه والزمن متقدرش تغير فيهم اي حاج ه

شكرا ليك علي الموضوع الجميل ده وتقبلوا تحياتي للجميع

انا معاك انك ممكن ماتلاقيش السعاده اللى كانت بتغمرك فى الحب الاول
بس برده خليك مقدر مشاعر الشخص اللى قدامك
اللى وثق فيك وسلمك مشاعره وقلبه
ومتحاولش انك تجرحه بالتفكير فى الماضى
انا معاك انك كده كده هاتتندم على الماضى
بس بايدك تخلى الحاضر اجمل
لو قدرت مشاعر الشخص اللى معاك دلوقتى
اللى اكيد بيحبك
ونصيحه ..................ـ
بلاش تخليه يدوق الجرح اللى انت دوقته زمان
يعنى بلاش تخليه يجرب اللى انت جربته
اللى انت اكيد عارف انه احساس فظيع فوق ما تتخيل

ومنور التوبك

مدرســــــــــــــــــــــ الحب ــــــــــــــــــــــــــــــــة
فايق

» انظر الى لطف الله وانت نام